Билим берүү тармагында окутуу стандарттарына өзгөртүүлөр киргизилет

Кыргыз өлкөсүнүн президентинин "Инсандын руханий-адеп-ахлактын өнүгүүсү жана дене тарбиясы жөнүндө" жарлыгынын аткарылышы боюнча маалымат жыйын өттү. Анда билим берүү академиясынын вице-президенти Уланбек Мамбетакунов төмөнкүлөрдү билдирди:

"Кыргыз өлкөсүнүн президентинин "Инсандын руханий-адеп-ахлактын өнүгүүсү жана дене тарбиясы жөнүндө" жарлыгынын негизинде жалпы мамлекеттик билим берүү стандарты иштелип чыкты. Бул жакынкы күндөрү коомдук талкууга коюлат. Анын негизги моделдери натыйжага негизделген билим берүү болуп саналат.

Билим берүү тутумундагы окутуу стандарттары толук жаңыланды. Алардын катарына төмөнкү багыттар кошулду: руханий адеп-ахлактык тарбия, санариптик жана медиа сабаттуулукту калыптандыруу жана башкалар кошулду. Ал эми өзгөрүүлөр боюнча кыскача токтолсом, география сабагы социалдык билим берүү тармагынан табигый илимий билим берүү тармагына которулду. Информатика сабагы технология билим берүү тармагынан математикалык билим берүү тармагына которулду", - деп билдирди Мамбетакунов.