Жогорку Кеңештин “Айымдар клубунун” ачылышы болду

Жогорку Кеңеште "Айымдар клубу” түзүлүп, өткөн аптанын аягында анын расмий ачылышы болду. Клубдун максаты - парламенттеги аялдардын туруктуу, кесипкөй уюмун түзүп, жетекчилик демилгелерин колдоо, гендердик стандарттарды түзүү, эл аралык аялдар кыймылдарына кошулуу жана ишин коомчулукка жайылтуу. Долбоордун ачылышына кыргыз парламентинин эгемен жылдарындагы бардык чакырылышынын айым депутаттары, Жогорку Кеңештин депутаттары, министрлик менен мекемелердин кызматкерлери жана чет өлкөлөрдүн Кыргызстандагы элчиликтеринин, эл аралык уюмдардын өкүлдөрү, мамлекеттик жана коомдук ишмерлер катышып, иш-чара шаардагы мейманканалардын биринде өттү.