Вознесеновкадагы ууланган 25 окуучу үйүнө чыгарылды

Чүйдүн Панфилов районуна караштуу Вознесеновка айылында ууланган 25 мектеп окуучусу  ооруканадан үйүнө чыгарылды. Бул тууралуу КРнын Саламаттыкты сактоо министрлигинин басма сөз кызматы билдирет. Анализдердин жыйынтыгы жана уулануунун себептери болжол менен бүгүн, 28-октябрда анык болот. Эскерте кетсек, 25-октябрда жогоруда аталган айылдын 3-4-класстарынын окуучулары (жалпы саны 25) ууланып, ооруканага түшкөн.