Депутат: "Бири-бирин кайталаган ченемдик укуктук актыларды жана алардын ортосундагы карама-каршылыктарды жоюу зарыл"

"Бири-бирин кайталаган ченемдик укуктук актыларды жана алардын ортосундагы карама-каршылыктарды жоюу зарыл", - деп Жогорку Кеңештин комитет жыйынында депутат Алтынбек Сулайманов билдирди.

Депутат Алтынбек Сулайманов мыйзамдар түшүнүктүү болушу керек экенин, мындай учурда алардын аткарылышын көзөмөлдөө жеңил болорун белгиледи. "Республиканын мыйзамдарын инвентаризациядан өткөрүү керек. Бардык бири-бирин кайталаган ченемдик укуктук актыларды жана алардын ортосундагы карама-каршылыктарды жоюу зарыл”, - деди ал.

Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти боюнча комитетинде жаңыдан иштелип чыккан мыйзамдар менен кодекстер каралды.