Депутат: "Маалыматты манипуляциялоо жөнүндө мыйзамы бийликтин куралы болуп иштейт"

"Маалыматты манипуляциялоо жөнүндө мыйзам бийликтин куралы болуп иштейт", - деп бүгүн, 30-июнда Жогорку Кеңештин жыйынында депутат Рыскелди Момбеков билдирди.

"Маалыматты манипуляциялоо жөнүндө мыйзам президенттин каршы пикири менен кайра иштеп келүүгө жөнөтүлгөн. Мыйзам боюнча, бул 10 күндүн ичинде кайра иштелип чыгышы керек болчу. 10 айдан кийин бул мыйзам долбоорун киргизип жатабыз. Конституция боюнча мыйзам долбооруна өлүп калган адамдарга добуш бердирткенбиз. Азыр өлгөн мыйзам долбооруна добуш бергени жатабыз. Бул мыйзам иштебейт. Бийликтин куралы болуп иштейт. Чындыкты эл арасынан издеш керек. Буту-колу жок мыйзамды кабыл алгыла деп жатасыңар", - дейт депутат.