Караколдо баш аламан соода-сатык кылган жарандарга түшүндүрүү иштери жүргүзүлүүдө

Ысык-Көл облусунун Каракол шаарында баш аламан соода-сатык кылган жарандарга түшүндүрүү иштери жүргүзүлүүдө. Бул тууралуу облустук милициядан билдиришти.

Маалыматка ылайык, социалдык тармактар аркылуу жергиликтүү тургундар "Ак-Тилек" базарынын айланасында жолдогу тыгындарды жоюу жана жолдун четинде соода кылган жарандар жол кыймылына тоскоолдук кылып жаткандыгы боюнча көптөгөн кайрылууларды жасашууда.

Жарандардын кайрылууларын эске алуу менен милиция кызматкерлери жана шаардык мэриянын өкүлдөрү, Жамансариев көчөсүндөгү баш аламан соода кылган жарандарга карата түшүндүрүү жана алдын алуу иш-чараларын жүргүзүп келишүүдө.