Абитуриенттер Орусиянын Усурийск шаарындагы жогорку окуу жайына бюджеттик негизде тапшыра алышат

Орусиянын Усурийск шаарындагы Приморский мамлекеттик айыл чарба академиясына бюджеттик негизде Кыргыз жарандары үчүн 20 орун берилди. Бул тууралуу Кыргыз өлкөсүнүн Орусиядагы элчилиги маалымдады.

Маалыматка ылайык, 2021-2022-окуу жылына карата Кыргыз Республикасынан талапкерлер үчүн Приморский мамлекеттик айыл чарба академиясына төмөнкү багыттар боюнча күндүзгү окуу үчүн 20 бюджеттик орун бөлүнгөн:

- Агроинженерия;

- Агрономия;

- Агрохимия жана агроөсүмдүктөр;

- Ветеринардык-санитардык экспертиза;

- Зоотехния;

- Токой чарбасы;

- Өндүрүш технологиясы жана айыл чарба продукциясын иштетүү.

Кабыл алуу эрежелерине ылайык, чет өлкөлүк уюмда билим алгандыгы жөнүндө күбөлүк алган абитуриенттер Академияга кирүү экзамендеринин жыйынтыгы боюнча кире алышат.

Документтер академиянын http://primacad.ru/ сайты аркылуу "Абитуриент" бөлүгүндө дистанциондук түрдө электрондук түр менен тапшырылат.

Кирүү тесттери ПМАЧАнын электрондук маалымат тутумун колдонуу менен аралыктан жүргүзүлөт.

Документтерди кабыл алуу - 20.07.2021-жылга чейин.

Киришүү сынактары - 29.07.2021-жылга чейин.

Катталуу - 17.08.2021-жылга чейин.

Окуунун башталышы - 2021-жылдын 1-сентябры.

Ошол эле учурда бардык чет өлкөлүк студенттер жатакана менен камсыз болушат (койка - орун баасы айына 800 рублдан). Мындан сырткары биринчи курстун студенттерине ай сайын стипендия төлөнүп берилет.