Ички иштер министрлиги Орхан Инандынын кош жарандыгы боюнча айтылган маалыматты текшерип жатат

Ички иштер министрлиги Орхан Инандынын кош жарандыгы боюнча айтылган маалыматты текшерип жатат. Бул тууралуу бүгүн, 7-июлда Жогорку Кеңештин жыйынында ички иштер министри Улан Ниязбеков билдирди.

Анын айтымында, ал Кыргыз мамлекетинин жараны экендиги белгилүү болгон. "Азыр анын кандайча жарандык алгандыгын текшерип жатабыз. Түркия дагы аны Түркиянын жараны экендигин айтууда. Сөз кош жарандуулук жөнүндө болуп жатат", - деди ал.

Депутат Марлен Маматалиев: "Орхан Инанды болобу же башка бирөө болобу, эгер ал Кыргыз жараны болсо, анда биз баарына бирдей мамиле кылышыбыз керек. Жарандар өз коопсуздугунан коркушат", - деди.