"Кайсы саясатчы болбосун жоопко тартууга күчүбүз, эркибиз, акылыбыз дагы жетет". УКМКнын төрагасы революция болбой турганын айтты

УКМКнын төрагасы Камчыбек Ташиев революция болбой турганын айтты. Бул тууралуу ал бүгүн, 8-июлда маалымат жыйында билдирди.

"Жогорку Кеңештин бир депутаты Орхан Инанды боюнча жооп бересиңер деп коркутуп жатат. Ооба, жооп беребиз. Баарыбыз жооп беребиз. Анын катарында чакырык үчүн силер дагы жооп бересиңер. Саясатчылар ар кандай нерселерди айтып жатышат. Күзүндө парламенттик шайлоодон кийин революция болот деп жатышат. Эч кандай революция болбойт. Биз элдик бийлик революцияга жол бербейбиз. Андан көрө өзүбүз кетебиз. Биздин өлкөгө революциянын кереги жок. Кээ бир саясатчылар бийликке жетүү үчүн ар нерсени айтышат экен. Муну башка адамдар колдонуп кетиши мүмкүн. Биз эч кимден жалтанып, коркуп, аяп койбойбуз. Эгерде мамлекетке зыян келтире турган болсо, кайсы саясатчыны болсо дагы жоопко тартууга күчүбүз, эркибиз, акылыбыз дагы жетет", - дейт Ташиев.