Бишкек мэриясы Көлмө конушундагы жолдорду оңдоп-түзөө маселеси чечилгенин айтат

Бишкек шаарынын Көлмө жаңы конушундагы жолдорду оңдоп-түзөөдөн өткөрүү маселеси ийгиликтүү чечилди. Бул тууралуу мэриядан билдиришти.

Маалыматка ылайык, аталган конуштагы жолдорду оңдоп-түзөө маселесин чечүү үчүн комиссия түзүлгөн. Анын курамына Бишкек шаардык мэриянын өкүлдөрү, жер пайдалануу жана курулуш башкармалыгынын жана Биринчи Май райондук акимиатынын кызматкерлери кирген. Бул комиссия Көлмө конушунун жашоочуларынын өтүнүчү менен түзүлгөн.

Комиссия конуштун жашоочуларынын макулдугу менен конуштагы айрым объектилерди демонтаждоо менен жолдорду оңдоп-түзөөдөн өткөрүү чечимин чыгарды. Ага ылайык, оңдоп-түзөө иштери "Бишкекасфальтсервис" муниципалдык ишканасы тарабынан жүргүзүлөт.