Бишкек, Ош жана Токмок шаарларында шайлоо участокторунан тышкары жайларда добуш берүү өтүүдө

Бүгүн, 10-июлда Бишкек, Ош жана Токмок шаардык кеңештерге кайталап шайлоодо шайлоо участокторунан тышкары жайларда добуш берүү өтүүдө. Бул тууралуу Борбордук шайлоо комиссиясынын басма сөз кызматынан билдиришти.

Мурда 3 миң 992 шайлоочу шайлоого добуш берүүчү жайдан тышкары жерлерде катышуу ниетин билдирип, арыз берген. Бишкек аймактык шайлоо комиссиясы берген маалымат боюнча, 2 миң 602 шайлоочу, Ош аймактык шайлоо комиссиясы боюнча – 1 миң 168, Токмок аймактык шайлоо комиссиясы боюнча – 222 шайлоочу арыз берген.