Айдоочулардын эсине. Милициянын кайгуул кызматы төмөндөгү эрежелерди так сактоого чакырат

Бишкек шаардык милициянын кайгуул кызматы жол кырсыктарынын алдын алуу үчүн айдоочуларга төмөндөгү эрежелерди так сактоого чакырат. Бул тууралуу аталган кызматтан билдиришти.

- Унаага отурганда сөзсүз коопсуздук курун тагынуу зарыл;

- Унааны башкаруу учурунда башка нерсеге алагды болуп же чөнтөк телефонду колдонууга тыюу салынат;

- Мас абалында автоунаа башкаруу көптөгөн кырсыктардын жана кылмыштардын башталышы экендигин унутпаңыз;

- Сиздин астыңыздагы унаага эч качан кепилдик бере албайсыз, андыктан астыдагы аралыкты сактаңыз;

- Шашкан шайтандын иши, ошондуктан ылдамдыкты көрсөтүлгөн белгиден ашырбаңыз;

- Айдоочуга сырткы көрүнүш тоскоолдук жаратпашы үчүн унаанын алдыңкы жана каптал терезелерин атайын күңүрттөп же караңгылатып айдабоо зарыл;

- Эң негизгиси унаага отурарда техникалык унаанын техникалык абалына көңүл бурганыңыз оң.

Жогорудагы көрсөтүлгөн эрежелер жөнөкөй болгону менен жол унаа кырсыктарынын алдын алууда чоң көмөк көрсөтөрүн унутпаңыз!