Жергиликтүү кеңештерге шайлоо: Алдын ала жыйынтык боюнча Токмок шаардык кеңешине өткөн партиялардын тизмеси

11-июлда Токмок шаардык кеңештин депутаттарын шайлоого катышкандардын саны 44,55 пайызды түздү. Бул тууралуу Борбордук шайлоо комиссиясынын маалымат кызматынан билдиришти.

Маалыматка ылайык, Токмок шаардык кеңешине ат салышкан 6 партиянын ичинен 7 пайыздык ченемден 5 партия өттү. Алар:

"Бирге-Вместе" - 28,27 пайыз;

"Эмгек" - 24,82 пайыз;

"Асыл мурас-жаштар" - 16,66 пайыз;

"Патриот ынтымагы" - 13,69 пайыз;

"Эл биримдиги" - 12,13 пайыз;

"Ата-Журт Кыргызстан" партиясы 1,65 пайыз алып, 7 пайыздык чекти басып өтө алган эмес.