Президентке ишеним 80 пайыз... Өлкөдө калк кайсы кызматка канчалык ишеним артат? Социалдык сурамжылоонун жыйынтыгы

Кыргыз өлкөсүндөгү калктын бийлик ээлерине болгон ишеними жогору. Бул боюнча "М-Вектор" изилдөө компаниясынын жана Кыйноолорго каршы коалициянын социалдык сурамжылоосунда айтылат.

Сурамжылоого катышкандардын 80 пайызы президент Садыр Жапаровго ишенерин билдиришкен. Ал эми эч кандай ишеним көрсөтпөгөндөр болгону 6 пайызды түзгөн.

Аталган сурамжылоого караганда, ар кандай уюмдарга жана мамлекеттик түзүмдөргө болгон ишеним деңгээли боюнча алдыңкы үчтүккө армия (72 пайыз), диний уюмдар (53 пайыз) жана мамлекет (53 пайыз) кирген.

Сурамжылоонун жыйынтыгында, саясий партияларга ишенгендер 70 пайыз, парламентке 69 пайыз, сотторго 61 пайыз, прокуратурага 51 пайыз жана милицияга 47 пайыз ишенерин айтышкан. Ал эми Улуттук коопсуздук боюнча мамлекеттик кызматына 49 пайызы ишеним көрсөтөрүн билдиришкен.