"Манас" аэропортунда күйүүчү май жок, кыйынчылык жаралуудабы? Мекеменин жообу

Жергиликтүү басылмаларда "Манас" эл аралык аэропортунда күйүүчү май жок болгондуктан, бир канча авиакомпаниялардын учактары май куя албай жатат деген маалыматтар тарады. Бул маалыматты тактоо максатында аэропорттун маалымат кызматына байланышканыбызда төмөнкүлөрдү билдиришти.

"Эл аралык "Манас" аэропортунда күйүүчү май жок деген маалымат чындыкка дал келбейт. Май менен камсыздоо жана бардык милдеттенмелер бар, өз убагында авиакомпания тарабынан аткарылат", - деп билдиришти аэропорттун маалымат кызматынан.