Баткенде 15 жана 12 жаштагы бир туугандар Айназик жана Ариет дайынсыз болуп изделүүдө

Баткенде 15 жана 12 жаштагы бир туугандар Айназик Кудайбердиева жана Ариет Кудайбердиев изделүүдө. Бул тууралуу Баткен ОИИБинин басма сөз кызматынан билдиришти.

13-июль күнү саат 18:30 чамаларында Баткен районунун Бужум айылынын Ынтымак участкасынын тургуну 2006-жылы туулган Айназик Кудайбердиева жана бир тууганы 2009-жылы туулган Ариет Кудайбердиев үйдөн белгисиз тарапка чыгып кеткен бойдон азыркы күнгө чейин белгисиз болууда.

Учурда издөө иштери жүрүп жатат.

Кийген кийимдери: Үстүнкү кийимдери белгисиз. Айназик боз түстөгү шым, бутунда ак-кара түстөгү жайкы бут кийим кийип жүргөн. Ал эми Ариет бутунда ак түстөгү спорттук бут кийим кийип жүргөн.

Эгерде кимдир-бирөө сүрөттөгү өспүрүмдөрдү таанып, жүргөн жерин аныктап калса төмөнкү телефондорго кайрылууну Баткен ОИИБи өтүнөт.

Байланыш үчүн номерлер: 03622 (5 17 56), 0774 778 688, 0709 736 637.