Бишкекте эртең, 30-октябрда 50 жуптун баш кошуу тою өтөт

КРнын Эмгек, миграция жана жаштар министрлиги уюштурган массалык үйлөнүү тою эртең, 30-октябрда өтөт. Бул тууралуу аталган министрликтин басма сөз кызматы маалымдады. 50 жуп бир күндө үйлөнүшөт. Бул салтанаттын максаты - жаш үй-бүлөлөргө колдоо көрсөтүү. Тойго Президенттик аппараттын, өкмөттүн, дипломатиялык корпустун өкүлдөрү жана Жогорку Кеңештин депутаттары катышат. Эске салсак, былтыр, Үй-бүлө, тынчтык, ынтымак жана кечиримдүүлүк жылынын 13-ноябрында 35 жуптун баш кошуу аземи өткөн.

Программа:

09:00-09:50 - чогулуу;

10:00-12:00 - Бакыт өргөөсүндө катталуу аземи;

12:30-13:30 - борбордук мечитке баруу;

14:00-14:40 - "Жеңиш" аянтында болуу;

15:00-15:40 - "Ала-Тоо" аянтына баруу;

16:00-17:00 - "Сүйүү" сейил багына баруу;

18:00 - "Соң-Көл" ресторанында той башталат.