Министрлер кабинетинин облустагы ыйгарым укуктуу өкүлү Жарасул Абдураимов: "Жумушта иштеп эле жатам, агам менен байланыша элекмин"

Министрлер кабинетинин Ош облусундагы ыйгарым укуктуу өкүлү Жарасул Абдураимов Каныбек Осмоналиевдин айткан пикири боюнча комментарий берди.

"Жумушта иштеп эле жатам. Өзү менен байланыша элекмин, телефону өчүк. Азыр анын уулу дагы, жубайы дагы иштеп жатат. Ал эмнеге мындай деп айтканын билбейм. Аты аталган адамдар жөнүндө дагы таң калуудамын. Менин Сүйүн Касмамбетовго жана башка адамдарга дооматым жок. Себебин өзү менен сүйлөшүп гана билбесем башка эч нерсе айта албайм. Ал адамга психикалык сокку болгонбу деп ойлоп жатам", - деди Абдураимов.

Каныбек Осмоналиев министрлер кабинетинин төрагасынын кеңешчиси кызматынан кетүү арызын жазганын билдирген. Анда ал Садыр Жапаровго кайрылуу жасаган. Кайрылуусунда иниси Жарасул Абдураимов кызматынан алынганын, мындан тышкары уулун, аялын дагы кызматтан кетирип жатышат деп билдирген болчу.