Самара Каримованын бир тууган эжеси өзбек сериалына тартылууда

Кыргыз Республикасынын Эмгек сиңирген артисти Самара Каримованын бир тууган эжеси Уулжан Каримова өзбек сериалына тартылууда. Эжеси биринчи жолу тасмада роль жаратып жатканын айткан Самара Каримова акыркы жаңылыктары менен бөлүштү.

Учурда Самара айым Өзбекстанда жаңы чыгармаларды жаздыруунун үстүндө иштеп жатат. Андан тышкары ырчыга көп сериялуу тасмага тартылууга сунуш түшкөн.

"Эс алып, жеке иштерим менен жүргөндүктөн убактым туура келбей тасмага тартылуудан баш тарткам. Ордума эжемди сунуштагам. Өзбек тасма жаратуучулары сүйлөшүп, эжемди тартууну чечишиптир. Азыр көп сериялуу тасмага Уулжан Каримова эжем тартылууда, ал үчүн кубанычтамын.

Буга чейин 120 сериялуу "Кадырхан" тасмасына тартылгам. Өзбекстанда мени сериалдын каарманы катары жакшы таанып калышыптыр, көргөндөр сүрөткө түшсө жагымдуу болот экен.

Буюрса, чектөөлөр алынса Кыргыз өлкөсүндө, Өзбекстанда жана башка мамлекеттерде концерт коёюн деген максаттарым бар", - дейт ал.