Картошка 19 сомго арзандады. Өлкөдө айрым тамак-аш продуктуларына болгон баалардын төмөндөшү байкалууда

2021-жылдын июлунда картошканын чекене баалары республика боюнча орточо 1 килограммы үчүн 41 сом 63 тыйынды түзүп, мурунку айга салыштырмалуу 19 сомго 1 тыйынга төмөндөгөн. Мындай маалымат Улуттук статистика комитетинин сайтында көрсөтүлөт.

Маалыматка ылайык, помидордун баасы 1 киллограммы үчүн 51 сом 13 тыйын болуп, мурунку айга салыштырмалуу 20,4 пайызга төмөндөгөн. Ал эми бадыраңдын баасы 1 килограммы үчүн 21 сом 35 тыйын болуп, мурунку айга салыштырмалуу 25,6 пайызга төмөндөгүнү байкалды.

Муну менен бирге, картошканын эң төмөн баалары:

• Өзгөн (бир килограммы үчүн 31 сом 98 тыйын);
• Баткен (бир килограммы үчүн 34 сом 75 тыйын);
• Исфана (бир килограммы үчүн 35 сом 99 тыйын) шаарларында белгиленди.

Ал эми аларга карата максималдуу баалар:

• Бишкек шаарында (бир килограммы үчүн 43 сом 88 тыйын);
• Токтогул шаарында (бир килограммы үчүн 44 сом 13 тыйын);
• Чаек айылында (бир килограммы үчүн 45 сом 60 тыйын) катталды.

Помидорго:

• Покровка айылында (бир кг үчүн 29,58 сом);
• Нарын (бир кг үчүн 35,00 сом);
• Кербен (бир килограммы үчүн 38 тыйын 6 тыйын) шаарларында минималдуу чекене баалар катталды.

Бадыраңга:

• Токмок (бир килограммы үчүн 18 сом 79 тыйын);
• Талас (бир килограммы үчүн 19 сом 58 тыйын) шаарларында минималдуу баалар байкалды.