Ош шаарында айт намазы 41 мечитте окулат

Эртең, 20-июлда Курман айт намазы Ош шаарындагы 41 мечитте окулат. Бул тууралуу шаардык мэриянын маалымат кызматынан маалымдашты.

Маалыматка ылайык, айт намаз санитардык эрежелерди так сактоо менен 07:30да окулат.

Анда коюлган талаптар:

• Бет каптын болуусу талап кылынат;
• Ар бир адам жайнамазын ала келүү сунушталат;
• Мечитте адамдардын ортосунда 1,5 метр аралыкты так сактоо;
• Жарандардын кол алышып, кучакташып көрүшүүсүнө тыюу салынат;
• Дааратты үйдөн алуу;
• Жаш балдар жана ооругандар, дене табы көтөрүлүп жаткан жарандардын келбөөсү талап кылынат;
• Айт намазы мечиттерде окулуп бүткөн соң көп убакытка кармалбай тарап кетүү сунушталат.