Бишкекте бир аптада 4 миңден ашык айдоочу жол эрежесин бузду

Бишкекте милициянын кайгуул кызматкерлери тарабынан бир аптанын ичинде 4277 жол эрежесин бузган айдоочу кармалды. Бул тууралуу аталган кызматтан билдиришти.

Маалыматка ылайык, 9-июлдан 15-июлга чейин Бишкек шаарынын аймагында милициянын кайгуул кызматкерлери 4277 жол эрежесин бузуу фактыларын аныктаган.

- Мас абалында унаа башкаруу - 53;

- Унаанын алдыңкы жана каптал терезелерин караңгылатып айдоо - 17;

- Айдоочулук кубөлүгү жок автоунаа башкаруу - 63;

- Жол эрежесин бузган жөө жүргүнчүлөр 160;

- Башка жол эрежелерин бузуулар - 3984;

383 унаа убактылуу айып короого токтотулган.

Милициянын кайгуул кызматы жол эрежесин так сактоого чакырат.