ӨКМ: "Лейлектеги селден 16 жаштагы баланы сел агызган эмес, ал эс-учун жоготуп каза болгон"

Баткен облусунун Лейлек районундагы селден Ак-Терек айылында 25 турак үй, 1 мектеп, 1 бала бакча жана 1 мечиттин короосу, ички чарбалык унаа жолдор зыянга учураган. Бул тууралуу ӨКМнын басма сөз кызматынан билдиришти.

"Ал эми 2005-жылы туулган А.у.А. аттуу баланы сел агызган эмес, ал коопсуз жерде турган жеринен эс-учун жоготуп каза болгон.

Бүгүн жеринде тактоо жана селдин кесепеттерин жоюу иштерин жүргүзүү үчүн райондук жарандык коргонуу комиссиясы, ӨКМнын кризистик кырдаалдарда башкаруу борборунан, Баткен облустук башкармалыгынын ыкчам топтору жана жалпы ӨКМнын 42 куткаруучусу тартылды. Мындан сырткары жергиликтүү тургундары кол кабыш кылып, кошумча инженердик техникалар тартылууда", - деп жазылат маалыматта.