Ошто асынып алган келиндин күйөөсү аялынын сөөгүн кайра көрдөн каздырып, экспертизадан өткөрдү

Ош шаарында асынып алган келиндин күйөөсү аялынын сөөгүн кайра көрдөн каздырып, экспертизадан өткөрдү. Бул тууралуу Ош ШИИБинин басма сөз кызматынан билдиришти.

Маалыматка ылайык, келин 8-июлдан 9-июлга караган күнү асынган.

"Келин асынып алган. Анын артында 3 баласы калды. Алгач жансыз денесине кароо жүргүзгөндө күч колдонуу белгилери болгон эмес. Бирок бир апта өткөндөн кийин жолдошу үйүндө чогулткан акчалары жок экенин, балким, кимдир-бирөө күч колдонуп аялынан акчаны алып кетиши мүмкүн деген пикирде аялынын сөөгүн каздырып, экспертизадан өткөрдү. Азырынча экспертизанын жыйынтыгы чыга элек.

Ал эми келиндин жолдошу Орусияда иштеп жүргөн", - деп билдирет басма сөз кызматынан.