Бишкекте дагы жети от казан жылытуу мезгилине даяр

Бишкекте алдыдагы жылуулук берүү мезгилине даярдык толук кандуу жүрүп жатат жана "Бишкекжылуулукэнерго" ишканасынын бардык отканаларында оңдоо иштери жүргүзүлүүдө. Жети от казан жылытуу мезгилине даяр. Бул тууралуу шаардык мэриянын маалымат кызматынан маалымдашты.

Маалыматка ылайык, отканалардагы бардык иштер бекитилген графикке ылайык аткарылууда, ишкананын бардык 66 отканасы ушул жылдын сентябрь айына даяр болот.

"Бүгүнкү күндө дагы жети откана даяр: Кайыңды, №86 ОМ, Горархив, Сүт ашканасы, Байыр, №705 Аскердик бөлүк жана №21 ОМ. Отканаларда отказандарды оңдоо жана тазалоо, насосторду, жөнгө салуучу бекиткичтерди, электр жабдууларын, көзөмөлдөп-өлчөөчү приборлордун автоматикасын оңдоо жана косметикалык оңдоо иштери жүргүзүлдү", - деп айтылат маалыматта.