Супер-Инфо
super.kg видео
ЭЛДИК КАБАР: Окурман Токтогулдагы мамлекеттик нотариустун ишине нааразы экенин айтты
SUPER.KG порталынын "ЭЛДИК КАБАР" бөлүмүнө Токтогул шаарынын тургуну кайрылып, мамлекеттик нотариустун ишине нааразы экендигин билдирди.
"Токтогул шаарындагы мамлекеттик нотариуска ишибиз түшүп барсак, ал жерде иштеп жаткан жашы улуу эженин элге кылган мамилесин көрүп аябай иренжидим. Уул-кыздарынын төрүндө сый көрүп отура турган куракта элдин нааразычылыгын жаратып иштебей эле койсо болмок экен.
Эки саат түштөнүүгө кетишет, кыскасы нотариустун эшигинде үч күн отуруп ишибиз бүтпөй дагы келе турган болуп үйүбүзгө кеттик. Антпесек ысыкта көчөдө отура берип ооруп калчудайбыз. Акчаны банк аркылуу эмес, өздөрү каалагандай алышат экен. Ишиңди батыраак бүтүрүп берсе берген акчаңа деле кайылсың.
Буларды тескей турган орган барбы?" - деп айтылат окурмандын кайрылуусунда.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |