Бишкек-Нарын-Торугарт жолундагы 4 адамдын өмүрүн алган кырсык. Бүгүн ооруканада дагы 2 адам каза болду

Бишкек-Нарын-Торугарт унаа жолундагы кырсыктан ооруканада дагы эки адам каза болду. Бул тууралуу Чүй облустук жол кыймылынын коопсуздугун камсыздоо башкармалыгынан билдиришти.

Маалыматка ылайык, Митсубиси Паджеро унаасын 1976-жылы туулган айдоочу, Хонда Степвагон машинасын 1996-жылы туулган айдоочу башкарып бара жаткан.

"Кырсыктын кесепетинен Хонда унаасынын айдоочусу жана 3 жүргүнчүсү каза болгон. Бүгүн, 23-июлда Чүй облустук ооруканасында дагы Хонда Степвагондун 2 жүргүнчүсү көз жумду. Дагы эки жүргүнчүсү учурда ооруканада.

Ал эми Митсубиси Паджеро унаасынын айдоочусу кырсык болгон учурда мас абалда болгон. Учурда ар кандай жаракаттар менен ооруканада. Учурда бул факты Кылмыштардын жана жоруктардын бирдиктүү реестрине катталып, териштирүү иштери башталды", - деп билдирет басма сөз кызматы.