Өлкөдө эмдөөнүн биринчи дозасын алгандардын саны 318 миңге жетти

Кыргыз өлкөсүндө эмдөөнүн биринчи дозасын алгандардын саны 318 миңге жеткенин жана экинчи дозасын алгандардын саны 104 миңге жакын экенин бүгүн, 23-июлда Саламаттыкты сактоо министринин орун басары Жалалидин Рахматуллаев брифингде билдирди.

"Кыргыз өлкөсүндө коронавируска каршы массалык эмдөө 11-июлдан бери жүргүзүлүп жатат. Бүгүнкү күндө вакцинанын биринчи дозасы менен 318 миң адам, экинчи дозасы менен 103 миң 941 адам эмдөөдөн өттү. Өзүңөрдүн жана жакындарыңардын коопсуздугу үчүн эмдөөдөн өтүңүздөр", - деди Жалалидин Рахматуллаев.

Ал өлкөдө 847 эмдөө борбору уюштурулгандыгын кошумчалады.

Ошондой эле Рахматуллаев санитардык ченемдерди сактоо жөнүндө эскертти: "Бет кап кийип, колду дайыма жууп, антисептик колдонуп, аралыкты сактаңыз, ачык абалда болуңуз, эл көп чогулган жерлерге жана тойго барбаңыз", - деди министрдин орун басары.