Бостериде ижарага алган бөлмөгө эки кичинекей баласын таштап, өзү дайынсыз болгон келин табылды

Ысык-Көл облусунун Бостери айылында ижарага алган бөлмөгө эки кичинекей баласын таштап, өзү дайынсыз болгон келин табылды. Бул тууралуу Ысык-Көл ОИИБинин басма сөз кызматынан билдиришти.

"Маалыматтар жергиликтүү сайттарга чыкканда эки баланын атасы Бостери айылына келген. Андан кийин келиндин апасы менен эжеси келди. Ал эми көп өтпөй балдардын апасы табылды. Учурда эмне себептен келин балдарын таштаганы боюнча тийиштүү кызматкерлер сурак жүргүзүп, түшүндүрүү иштери жүрүп жатат", - деди басма сөз кызматынан.

Буга чейин эки баласын ижарага алган бөлмөгө таштап белгисиз тарапка кетип калган келинге издөө салынган.