"Жумуш боюнча кемчилиги жок". Мэрдин милдетин аткаруучу Азамат Сагындык уулунун кармалышы тууралуу пикирин айтты

Вице-мэр Азамат Сагындык уулунун кармалышы тууралуу Бишкек шаарынын мэринин милдетин аткаруучу Бактыбек Кудайбергенов маалымат жыйынында жооп берди.

“Жумушу боюнча эч кандай кемчиликтери жок. Бул тармакта 7-8 жылдан бери иштеп келген. Кармалышы тууралуу маалыматты массалык маалымат каражаттарынан окуп, билдим. Азамат Сагындык уулу пара алдыбы же жокпу бул тууралуу маалыматым жок. Тергөө териштирет. Билбейм балким жалган жалаа жабылышы деле мүмкүн, ким билет?”, - деп билдирди Кудайбергенов.