Жолугушууда Антикоррупциялык кеңешке мүчөлөрдү кабыл алуу сунуштары айтылды

Бүгүн, 27-июлда президенттин алдындагы Коррупциялык кеңеши бизнес коомчулугу менен жолугушуу өткөрүүдө.

Жолугушууда бизнес коомчулугунун өкүлдөрү Антикоррупциялык кеңештен күтүлгөн жагдайлар, анын маанисин, пикирлерин жана сунуштарын айтышууда.

"Союз учурунда бир улуттук көзөмөл болгон. Азыр кыргызда бир чөнтөккө бир нерсе салмайынча эч нерсе кылбай калдык. Буга акырындык менен адаптация болушууда.

Кеңешке мүчө кылып кабыл алууда. Тажрыйбасы көп адамдарды карап коюу зарыл. Ошондой эле сапатына көңүл буруу абзел.

Кеңеш элдин үмүтүн акташы керек", - деди бизнес коомчулугунун өкүлү.

Мындан сырткары, кеңештин мүчөлүгүнө ар бир бизнес тармагынан өкүлдөр кириши керектиги, алар иштин түмөн түйшүгүн жакшы билиши кажет экени айтылды.

Белгилүү болгондой, президентке караштуу антикоррупциялык ишкердик кеңеши түзүлгөн. Нуруйпа Муканова Антикоррупциялык ишкердик кеңешинин башкы катчысы болуп дайындалганы маалымдалган.