Кыргыздын Женевадагы өкүлү Дүйнөлүк соода уюмунун башкы директоруна ишеним грамотасын тапшырды

Кыргыз өлкөсүнүн Бириккен улуттар уюму жана башка эл аралык уюмдардагы Женева шаарындагы туруктуу өкүлү Алмазбек Бейшеналиев тарабынан Дүйнөлүк соода уюмунун (ДСУ) башкы директору Нгози Оконжо-Ивеала айымга ишеним грамотасын тапшыруу аземи болуп өттү. Бул тууралуу Алмазбек Бейшеналиев социалдык тармактагы баракчасында жарыя кылды.

Жолугушуунун жүрүшүндө Бейшеналиев ДСУнун башкы директоруна Кыргыз өлкөсүндөгү ички саясий жана экономикалык кырдаал боюнча маалымат берди.

Алмазбек Бейшеналиев белгилегендей, 1998-жылдан бери Дүйнөлүк соода уюмуна киргенден кийин Кыргыз өлкөсү соода жүргүзүп жаткан өлкөлөрдүн географиясын эки эсеге көбөйттү.

Ошондой эле Алмазбек Бейшеналиев Нгози Оконжо-Ивеала айымды жакында Башкы директордун кызмат ордуна дайындалгандыгы менен куттуктап, Дүйнөлүк соода уюмунун министрлер конференциясынын 2021-жылдын ноябрь-декабрь айларында ийгиликтүү өтүшүн каалады.

ДСУнун башкы директор айымы, Кыргыз Республикасы Дүйнөлүк соода уюмуна мүчө болгон башка өлкөлөр үчүн өлкөдө терең реформаларды жүргүзүүдө үлгүлүү өлкөлөрдүн бири экендигин белгилеп, Кыргыз өлкөсүнүн туруктуу өкүлүнө ийгиликтерди каалады жана жемиштүү кызматташтык иш алып баруу боюнча ниетин билдирди.

Эске салсак, 1998-жылдын 20-декабрында күчүнө кирип, Кыргыз өлкөсү Дүйнөлүк соода уюмуна 133-мүчөсү болуп калган.