Өлкөдө буудайдын баасы бир жыл ичинде 40 пайызга жогорулаганы айтылды

Буудайдын баасы бир жыл ичинде дээрлик 40 пайызга жогорулаган. Бул тууралуу Улуттук статистика комитетинин басма сөз кызматынан билдиришти.

Маалыматка ылайык, июль айына карата буудайга болгон баалар республика боюнча орточо эсеп менен 29,15 сомду түзгөн жана өткөн жылдын ушул күнүнө салыштырмалуу 8,2 сомго же 39,3 пайызга өскөн.

Ал эми буудайдын чекене баалары Бишкекте (1 килограммы 31,46 сом), Токтогулда (1 килограммы 30,96 сом), Исфанада (1 килограммы 30,73 сом) жана Өзгөндө (1 килограммы 30 сом), ал эми Чаек айылында (1 килограммы 18 сом), Каракол шаарында (1 килограммы 20,87 сом) жана Кара-Сууда (1 килограммы 23,59 сом).