Казак жараны 12 килограмм баңгизатын өлкө аймагына алып кирүүгө аракет кылган

"Кыргыз темир жолу" ишканасынын кызматкерлери 12 килограмм баңгизат салынган мүшөктү табышты. Бул тууралуу аталган мекеменин басма сөз кызматынан кабарлашты.

Андагы маалыматка ылайык, 29-июль күнү "Луговая" станциясында баңгизат салынган мүшөктү вагонго салууга аракет кылып, Кыргыз өлкөсүнө алып кирүүгө аракет кылып жаткан жеринен Казакстандын жараны У.Т. кармалды.

"Кыргыз темир жолу" ма1млекеттик ишканасынын темир жол объектилерин жана ташылуучу жүктөрдү аскерлешкен күзөт менен камсыздоо филиалынын маалыматы боюнча, Казакстандын Транспорт башкармалыгынын Луговая станциясындагы Линейный полиция бөлүмү бул иш боюнча кылмыш ишин козгоду.
Учурда ишкананын жетекчилиги баңгизаттарды тапкандыгы үчүн аткычтарды сыйлоо маселесин караштырып жатат", - дешти мекемеден.