"Бир тууганын издеп эжеси кайрылган". Бишкекте сууга боюн таштоого аракет кылган 20 жаштагы кыз куткарылды

Бишкекте сууга боюн таштоого аракет кылган кызды куткарып калышты. Бул тууралуу Милициянын кайгуул кызматынын маалымат кызматынан билдиришти.

Маалыматка караганда, 1-августта болжол менен саат 15:40 чамасында "102" кызматына 20 жаштагы кыз жоголду деген маалымат келип түшкөн.

"Айтылган дарекке милициянын кайгуул кызматкерлери барып, маалыматты тактаганда белгисиз айым 20 жаштагы бир тууган сиңдисин издеп жаткандыгын жана ал өзүн-өзү өлтүрүүгө аракет кылып жатышы мүмкүн экендигин билдирген.

Милиция кызматкерлери изделип жаткан кызды тапкан учурда ал чоң суунун үстүндөгү суу түтүгүнөн боюн сууга таштоого аракет кылып жаткандыгын көрүшкөн. Кайгуул кызматкерлери суу түтүкчөнүн үстүндөгү кызды жээкке алып чыгышкан. Андан ары кыздын психологиялык абалын жана тергөө ишин улантуу үчүн Биринчи Май райондук милициясына жеткирип беришкен", - дешти кайгуул кызматынан.

Ошондой эле мекемеден кыздын эжеси милиция кызматкерлеринин аракетине ыраазычылыгын билдиргенин кошумчалашты.