Кыргыз-Тажик чек арасында аткезчиликке каршы операция жүрүүдө (сүрөт)

Баткенде Кыргыз-Тажик мамлекеттик чек арасында аткезчиликке бөгөт коюу боюнча атайын операция жүрүп жатат. Бул тууралуу 3-августта Улуттук коопсуздук боюнча мамлекеттик комитетинин Чек ара кызматынан билдиришти.

Маалыматка ылайык, операцияга Чек ара кызматынын Баткен облусу боюнча башкармалыгы жетекчилик кылып жатат.

"Операцияга жергиликтүү бийлик, күч органдарынын жана тийиштүү структуралардын Баткен облусунда жайгашкан бөлүктөрү катышып жатат. Бул операциянын максаты өлкөнүн экономикалык кызыкчылыктарын коргоого багытталган иш-чараларды өткөрүү", - деп айтылат маалыматта.