11 күн болгон. Жеңиш Молдокматов ачкачылыкты токтотту

Жеңиш Молдокматов ачкачылыкты токтотту. Бул тууралуу "Туран" партиясынын мүчөсү Эрлан Бекчоро уулу билдирди.

"Жеңиш Молдокматов тарапташы Тилекмат Кудайбергеновдун жана Акыйкатчы институтунун өкүлдөрүнүн өтүнүчү менен ачкачылыкты токтотту. Буга чейин депутаттар, саясатчылар, коомдук ишмерлер, журналисттер ачкачылыкты токтотууну өтүнүшкөн. Бардык пикирлердин басымдуу бөлүгү алдыдагы саясий күрөштө ден соолугу бекем болуп туруусу шарт экенин баса белгилешкен", - деп билдирет Бекчоро уулу.

Молдокматовдун ачкачылык жарыялаганына 11 күн болгон.

Жеңиш Молдокматов УКМК тарабынан кармалып, башында Ички иштер министрлиги Молдокматовго октябрь окуяларында Улуттук коопсуздук боюнча мамлекеттик комитеттин имаратын басып алууга аракет кылган деп айыптаган. Андан соң айыпты “массалык баш аламандык” беренесине өзгөртүшкөн.