Акжол Махмудовдун эжеси: "Кубанычыбызда чек жок"

Бүгүн, 7-августта "Манас" эл аралык аэропортуна Токиодон кыргыз спортчуларынын бир бөлүгү учуп келет. Аларды тосуп алууга журналисттер жана атайын дерекциянын өкүлдөрү, маданият, маалымат, спорт жана жаштар саясаты министри Кайрат Иманалиев, белгилүү спортчулар, маданияттын мыктылары дагы келишти.

Күмүш медалдын ээси Акжол Махмудовдун келишин чыдамсыздык менен күтүп жаткан эжеси кубанычтарында чек жок экендигин айтат. "Кыргыз эли кандай сүйүнсө, биз дагы ошондой сүйүнүүдөбүз. Акжол күмүш медалды камсыз кылгандан кийин баарыбызга чалды дейт", - дейт ал.