Чүйдө 11 жаштагы кыз эки күндөн бери дайынсыз болуп изделүүдө

Чүй облусунун Юрьевка айылында дайынсыз болуп жаткан 11 жаштагы Зейнеп Кадырованы жакындары жана милиция кызматкерлери издешүүдө. Ал 6-август күнү саат 13:00 чамасында үйүнөн чыгып кеткен бойдон кайтып келген эмес.

Зейнеп Кадырова 2010-жылы туулган. Үйдөн чыгып кеткен күнү кара көйнөк, башына кара түстөгү жоолук, күрөң түстөгү бут кийим кийип жүргөн.

Изделип жаткан кыздын бою 167 сантиметр, арык чырай.

Сүрөттөгү кызды көрүп, билгендер болсо төмөнкү номерлерге кабар берүүнү жакындары өтүнөт.

Байланыш номерлери: 0706 88 43 02 (атасы), 0708 62 72 86 (жакындары).