Бишкекте өткөн жалпы ишембиликте 38 тонна таштанды чыгарылды

Бишкекте 7-августта жалпы ишембилик өтүп, анда 38 тонна таштанды чыгарылды. Шаардык мэриянын маалымат кызматынан кабарлашкандай, ишембиликке жалпы 5 миң 841 жаран катышты. Алардын арасында шаар мэринин милдетин аткаруучу Таалайбек Сарыбашов дагы бар.

Маалым болгондой, таштандыларды чыгарууга 34 атайын техника тартылды.

"Бишкек жылуулук тармактары" коммуналдык ишканасынын 100дөн ашык кызматкерлери Бакаев көчөсүн жана отканаларды тазалашты. 20 мүшөк таштанды жыйналып, 20дан ашуун куб кургак жалбырактар ​​жана башка таштандылар чыгарылды. Ал эми "Бишкекасфальтсервис" муниципалдык ишканасынын кызматкерлери "Бишкек жашыл чарба" жана "Бишкексвет" менен биргеликте куруп жаткан "Ынтымак-2" сейил багынын тазалыгын камсыздашты.

Ишембиликке катышкан шаар тургундарына ыраазычылык билдиребиз", - дешет мэриядан.