Президенттин администрациясынын тышкы саясат бөлүмүнүн башчысы болуп Жээнбек Кулубаев дайындалды

Президенттин администрациясынын тышкы саясат бөлүмүнүн башчысы болуп Жээнбек Кулубаев дайындалды. Бул туурасында бүгүн, 9-августта президенттик аппараттын маалымат кызматынан кабарлашты.

Белгилүү болгондой, тиешелүү жарлыкка өлкө башчы Садыр Жапаров кол койду.

Жээнбек Кулубаев 1963-жылы Ысык-Көл облусунда төрөлгөн. Жогорку билимдүү.

Эмгек жолу:

1992-1996-жылдары Тышкы иштер министрлигинде бир катар дипломаттык кызматтарды аркалаган;

1996-1998-жылдары Тышкы иштер министрлигинин Азия жана Африкадагы башкармалыгынын жетекчиси;

1998-2000-жылдары Кыргыз өлкөсүнүн Кытайдагы элчилигинде кеңешчи;

2001-2003-жылдары Тышкы иштер министрлигинин Азия жана Африкадагы башкармалыгынын жетекчиси;

2003-2004-жылдары тышкы иштер министринин орун басары;

2004-2006-жылдары Шанхай кызматташтык уюмунун Пекин шаарындагы аткаруучу секретарынын орун басары;

2006-2007-жылдары Тышкы иштер министрлигинин эл аралык экономикалык кызматташтык департаментинин директору, өзгөчө тапшырмадагы элчи;

2007-2009-жылдары Кыргыз өлкөсүнүн Малайзиядагы элчиси;

2009-2013-жылдары Кыргыз өлкөсүнүн Кытайдагы элчиси;

2010-2013-жылдары Кыргыз өлкөсүнүн Сингапур жана Монголиядагы элчиси ;

2013-2016-жылдары Тышкы иштер министрлигинин Азия жана Африкадагы департаментинин директору;

2016-2018-жылдары Тышкы иштер министрлигинин 4 саясий департаментинин директору;

2018-2021-жылдары Кыргыз өлкөсүнүн Казакстандагы элчиси.