Өлкөдө жаныбарларды коргоо фонддору жалаа жабуулардан улам ишмердүүлүгүн токтотууга аргасыз болушкандыгын жарыялашты

Бишкектеги жаныбарларды коргоо боюнча уюмдар өз ишмердүүлүгүн токтотушкандыгын жарыялашты. Бул тууралуу "Боорукер колдор" фондунун социалдык тармактагы баракчасына жарыяланган.

"Straydogs_kg" лакап аты менен жашырынып жүргөн бир адамдын тынымсыз кол салуулары, жалаа жабуулары, кемсинтүүлөрү жана кадыр-баркка шек келтирүүлөрү менен байланыштуу "Боорукер колдор", "Кайнар" фонду жана "Зоозащита.Бишкек" тобу өз ишмердүүлүгүн жана үйсүз жаныбарларга жардам берүүнү токтоткондугун жарыялайбыз.

Биз бул кишинин расмий жана эл алдында кечирим суроосун күтүп, өзүбүздүн ишмердүүлүгүбүздү токтотуп турабыз. Мындан ары биз ар намыс жана кадыр-баркка шек келтирген коомдук мазактоо жана жалаа жабуу үчүн (ЖМКда жана социалдык тармактарда) жооп беребиз. Бизде жактоочу бар, жетиштүү материалдар топтолгон", - деп жазылган баракчада.