Бишкектеги "Айчүрөк" соода борборунда эмне болуп жатат? Күбө окуяны айтып берди

Бүгүн, 9-августта "Айчүрөк" соода борборунда адамдар эвакуация болууда. Жеринде милиция кызматкерлери иш алып барууда.

Бирок азырынча окуя белгисиз болгондуктан укук коргоо органдары комментарий берүүдөн баш тартышууда.

Ал эми биздин порталга окуянын күбөсү төмөнкүлөрдү билдирди: "Саат 17:00дөр чамасында күндөгүдөй эле иштеп жаткам. Мен эң үстүнкү кабатта видеограф болуп иштейм. Анан эле бизге эвакуация болгула деп айтып калышты. Бизге жеткен маалымат боюнча бул жакта белгисиз аялдар бирөөлөрдү кармап турушуптур. Кудай сактасын бомба дагы бар деп айтып жатышат", - деп билдирди ал.