Депутат Умбеталы Кыдыралиев "Кыргыз алтындын" төрагасы болуп дайындалды (өмүр баяны)

Депутат Умбеталы Кыдыралиев "Кыргыз алтын" ишканасынын төрагасы болуп дайындалды. Бул тууралуу ал SUPER.KG порталына тастыктады.

"Бул кызматка бүгүн дайындалдым. Ишке киришип, учурда чогулуш өткөрүп жатам", - деди ал. Буга чейин бул кызматты Маратбек Чолпонкулов жетектеп келген.

Кыдыралиев "Республика - Ата-Журт" фракциясынан депутат болуп келген.

Ал 1967-жылдын 16-августунда Жалал-Абад облусунун Аксы районуна караштуу Таш-Көмүр шаарында туулган.

1990-жылы Луцк мамлекеттик университетин, 1995-жылы Кыргыз мамлекеттик университетин “юриспруденция” адистиги боюнча, 2005-жылы Кыргыз Республикасынын Президентине караштуу Мамлекеттик башкаруу академиясы “Мамлекеттик башкаруу жана жергиликтүү өз алдынча башкаруу” адистиги боюнча бүтүргөн.

Эмгек жолун 1991-жылы “Капитал” коммерциялык уюмунун директору болуп иштөө менен баштаган.

1996-жылы - “Бишкек-Тамекиси” АКунын башкармалыгынын төрагасынын орун басары;

1998-2004-жылдары - “Капитал-Контракт” ЖЧКнын башкы директору;

2000-жылы - Кыргыз Республикасынын Улуттук Бокс Федерациясынын президенти;

2004-2005-жылдары - Кыргыз Республикасынын курамаларын олимпиадалык даярдоо борборунун директору;

2005-жылы - Туризм, спорт жана жаштар саясаты боюнча мамлекеттик комитетинин төрагасынын орун басары;

2005-2006-жылдары - өкмөткө караштуу Дене тарбия жана спорт мамлекеттик агенттигинин төрагасынын орун басары;

2004-жылы - Бишкек шаардык кеңешинин депутаты;

2006-2010-жылдары - Алматы шаарында Кыргыз Республикасынын башкы консулу;

2011-2012-жылдары - өкмөткө караштуу Дене тарбия жана спорт мамлекеттик агенттигинин директору;

2015-жылы Жогорку Кеңештин депутаты болуп шайланган.