Бишкекте бир аптада 117 чет өлкөлүк унаа жол эрежесин бузган

Бишкек шаарында бир апта ичинде жол эрежесин бузган 117 чет өлкөлүк унаа аныкталды. Бул тууралуу милициянын кайгуул кызматынын маалымат кызматынан билдиришти.

Маалыматка ылайык, 31-июлдан 6-августка чейинки аралыкта каттоо мөөнөтү өтүп кеткен, түзүлгөн протоколдор үчүн айып пулдарын өз убагында төлөбөгөн, ошондой эле ар кандай жол эрежесин бузган чет өлкөлүк жана транзиттик номерлүү унааларга карата текшерүү жүргүзүлгөн.

"Натыйжада жол эрежесин бузган 117 чет өлкөлүк автоунаанын ичинен Орусияга таандык — 33, Арменияныкы — 11, Абхазияныкы — 7, Казакстандыкы — 1, төрт жана башка чет өлкөлүк номерлүү унаалар катталган. Аныкталган унааларга тиешелүү протоколдор толтурулуп, ар кандай багытта эреже бузган төрт унаа айып короосуна киргизилди", - деп билдиришти кайгуул кызматынан.