Эми массалык мушташка катышкан мигранттарга Орусияга кирүүгө биротоло тыюу салынышы мүмкүн

Массалык мушташтын катышуучулары болгон мигранттарга Орусияга кирүүгө биротоло тыюу салынышы мүмкүн. Бул тууралуу Россия Федерациясынын Мамлекеттик Думасынын вице-спикери Петр Толстой жергиликтүү маалымат каражаттарына маек берип жатып билдирди.

Анда ал мыйзамдын катуулугун көрсөтүү жана мигранттар коомчулугунун криминалдашуусуна жол бербөө үчүн чет өлкөлүктөргө "мыйзамдуу укуктар гана эмес, ошондой эле өз жүрүм-туруму үчүн жоопкерчиликти билиш керек" деп эсептейт.

Буга чейин Москва шаарындагы "Кузьминки" метро станциясынын жанында жүздөн ашык мигрант массалык мушташ уюштурушкан.

Москвадагы массалык мушташынан кийин борбор калаанын полициясы күн сайын Борбор Азия өлкөлөрүнүн ондогон жарандарын каттоого алып баштаган.