Супер-Инфо
super.kg видео
"Өзү тууралуу эч маалымат айта алган эмес". Ысык-Көлдө Даун синдрому бар кыз адашып кетти
Каракол шаарында Даун синдрому менен ооруган 9 жашар кыз адашып кетти. Ал милиция кызматкерлери тарабынан табылып, ата-энесине өткөрүлүп берилди.
Ысык-Көл облустук ички иштер башкармалыгынан кабарлашкандай, 16-августта болжол менен саат 15:45 чамаларында 9 жаштагы кыз адашып жүргөн. Милицияга кабар бергендер кыз жакшы жана так сүйлөй албагындыгын дагы кошумчалашкан.
"Каракол ШИИБинин жаш өспүрүмдөр менен иштөө инспекциясынын инспекторлору кыз менен сүйлөшкөндө, ал өзүн Женя деп тааныштырган. Бирок өзү тууралуу эч маалымат айта алган эмес.
Милиция кызматкерлери жоголгон кыздын ата-энесин аныктоо үчүн аймакты толугу менен кыдырып, ал жерде жашаган адамдарды сураштырып, бир саатта кыздын ата-энесин табышты.
Белгилүү болгондой, кыздын ата-энеси 44 жаштагы А.А. жана 41 жаштагы А.О. (Орус жарандары) тогуз жашар кызы А.Е. менен Каракол шаарында жашаган апасына келишкени аныкталды. Ошондой эле жоголгон кыз Тверь шаарындагы Даун оорусуна чалдыккан балдардын атайын мектеп-интернатынын 3-классында билим алары белгилүү болду", - дешти мекемеден.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
9:56
2025-07-29
Рейтинг: 
0
0
Супер инфого дагы чыкпайт эле бул кабар, кыргыз болгондо.