"Өлкөнүн 70 пайыз калкын эмдөө зарыл". Учурда 25 пайызы гана эмдөөдөн өткөнү айтылды

Бүгүн, 17-август күнү Кыргыз өлкөсүндөгү эмдөө кампаниясы аталышындагы жолугушуу өтүүдө.

Анда COVID-19га каршы эмдөө кампаниясынын Кыргыз өлкөсүндө жүрүшү боюнча эл аралык жана өлкөлүк эксперттер менен кенен талкуу болууда.

Жолугушууда саламаттыкты сактоо жана социалдык өнүктүрүү министри Алымкадыр Бейшеналиев коллективдик иммунитетти түзүү үчүн өлкөнүн 70 пайыз калкын эмдөө зарыл экенин билдирди. Учурда өлкө калкынын 25 пайызы эмдөөдөн өткөн. Ал эми экинчи дозаны алгандар 17 пайызды түзөт.

Андан сырткары массалык маалымат каражаттарынын эмдөө кампаниясына салымы зор экендиги, алардын жардамы менен эмдөө иши алдыга жүрөрү белгиленди.