Бишкектин мэринин милдетин аткаруучу шаардыктарды ишемби күнү кабыл алат. Кантип жазылуу керек?

Бишкек шаарынын мэринин милдетин аткаруучу Айбек Жунушалиев ишемби күнү шаардыктар үчүн жеке кабыл алуу өткөрөт. Бул тууралуу мэриянын басма сөз кызматынан билдиришти.

Кабыл алуу 10:00дөн 14:00гө чейин жазылуу жолу менен жүргүзүлөт.

"Эгерде сиз мэрдин жеке кабыл алуусуна жазылууну кааласаңыз, Чүй кең көчөсү №166 (бирдиктүү терезе) дарегине кайрылыңыз. Жазылуу үчүн паспорт жана башка документтер керектелет. Сурап-билүү жана кошумча маалымат: 61-07-05", - деп жазылат маалыматта.