Кыргыз-Өзбек өнүктүрүү фондун түзүү жөнүндө макулдашуу ратификацияланды

Кыргыз-Өзбек өнүктүрүү фондун түзүү жөнүндө макулдашуу ратификацияланды. Бул тууралуу президенттик администрациядан билдиришти.

Маалыматка ылайык, тийиштүү мыйзам долбооруна президент Садыр Жапаров кол койду.

Бул мыйзамдын негизги максаты Кыргыз-Өзбек өнүктүрүү фондун түзүү жөнүндө Кыргыз өкмөтү менен Өзбекстан өкмөтүнүн ортосундагы макулдашууну ратификациялоо боюнча мамлекет ичиндеги процедураларды өткөрүү болуп саналат.

Фонд Кыргыз өлкөсүнүн экономикасынын приоритеттүү тармактарында өзүн-өзү актаган долбоорлорду зайым берүү, капиталына катышуу жана башка финансы инструменттерин пайдалануу менен Кыргыз өлкөсүнүн аймагында катталып жана ишмердүүлүгүн жүргүзгөн чарба субъектилерине каржылоо жүргүзөт. Буга байланыштуу Кыргыз өлкөсү менен Өзбекстандын экономикалык кызматташтыгы, экономиканы модернизациялоо жана өнүктүрүү, эки тараптуу кызматташтыктын мүмкүнчүлүктөрүн натыйжалуу пайдалануу пландалууда.

Фонд уставдык капиталы 50 миллион доллар менен болуп, ал Өзбекстан тарабынан салынып, кийинчерээк уставдык капиталы 200 миллион долларга чейин жеткирилген эл аралык уюм болот.